Polisiewoordvoerder, Martin Xuma, sê Kearabetswe Leteane is op 5 April verlede jaar, nadat hy van ‘n sokker-oefening teruggekeer het, in sy pa se huis in Gladstone Trust om die lewe gebring. Hy sê ‘n onbekende man het om 19:10 in die kamer gekom en Leteane een keer in die bors, kop en sy geskiet. Hy sê ‘n trio-taakspan van Selosesha het verlede Donderdag Leteane se biologiese pa, stiefma, en ‘n 52-jarige vrou in verband met die moord in hegtenis geneem. Xuma sê die 31-jarige Kgwediyamorena Sefuthi van Lesotho, wat glo die sneller getrek het, is die volgende dag aangekeer.
Xuma sê die pa van die oorledene en ‘n afgetrede onderwyser, Teboho Molatole (45), die stiefma, Monkie Kelebogile Molatole (48), die 52-jarige Mampho Ranthimu, wat glo die sluipmoordenaar gehuur het, het almal hierdie week in die plaaslike landdroshof verskyn waar die saak vir verdere ondersoek uitgestel is.
Hy sê die pistool wat in Sefuthi se besit gevind is en glo gebruik is om Leteane te skiet, is na ‘n forensiese laboratorium in Pretoria gestuur vir ballistiese toetse.
Die motief vir die moord is nog onbekend.
Mark Steenbok / OFM News
