Martie du Plessis se gewilde Aand van die sterre word weer op 25 September 2014 aangebied. Soos in die verlede beloof die aand weer ‘n opwindende geleentheid te wees met ‘n gasspreker, gaskunstenaar, ‘n heerlike maaltyd en, natuurlik, die alombekende Martie du Plessis-gasvryheid.
Die gasspreker is die bekende, avontuurlustige Hein Wagner. Jak de Priester, bekende sanger en aanbieder van die TV-reeks Reis na gister is die seremoniemeester en gaskunstenaar. ‘n Driegangmaaltyd sal bedien word, terwyl rooi- en witwyn voorsien sal word. ‘n Kontantkroeg sal ook beskikbaar wees. Onthou, dis nie ‘n ‘manne- aand’ nie; mans en dames is almal welkom om saam te kom kuier. Veilige parkering sal voorsien word.
‘n Tafel vir 10 persone is vir die bedrag van R3 000 te koop. Daar is ook enkelsitplekke teen R300 beskikbaar. Die verrigtinge begin om 18:30 vir 19:00 en die drag is netjies informeel.
Vir verdere navrae kan 051- 522-6801/2 geskakel word. Kaartjies sal met bevestiging van bespreking gelewer word. Ongelukkig kan slegs ‘n beperkte aantal gaste geakkommodeer word en om teleurstelling te voorkom moet u asseblief so spoedig moontlik bespreek. Bankbesonderhede: Ad Lucem Trust, Standard Bank, rek.-nr.041-041-836, takkode 055034.
Date:
