Maricelle Botha
Madiba se verjaardag word elke jaar gevier met ‘n dag wat gewy is aan die werk wat hy in sy leeftyd gedoen het en sy betrokkenheid by talle liefdadigheidsorganisasies. Op 18 Julie is dit weer tyd vir Suid-Afrikaners om hul hande en harte oop te maak en so hierdie beminde staatsman se verjaardag op toepaslike wyse te vier.
Vanjaar span Courant kragte saam met Spar en hoop om so ‘n verskil in die lewe van ander te maak. Wat ons projek vanjaar besonders maak, is die feit dat ons dit vir almal moontlik maak om aan Madibadag deel te neem. Al wat jy moet doen is om na jou naaste Spar te gaan en jou bydrae in die duidelik gemerkte te gaan plaas.
Op 18 Julie sal al die bydraes wat versamel is aan jong, behoeftige pasiënte van ‘n plaaslike hospitaal geskenk word. Ons vra dus dat bydraes sal bestaan uit toiletware en ander bederfies wat die kinders se tyd in die hospitaal ‘n bietjie meer gemaklik sal maak.
Toe, ons daag jou uit. Raak betrokke. Gee van jou tyd deur ‘n bydrae te lewer.
[email protected]
