MARICELLE BOTHA
‘n 14-jarige seun van Wilgehof in Bloemfontein is beseer nadat vuurwerke Woensdag in sy hand ontplof het.
Toe paramedici by die toneel opdaag het die seun op die grond gesit met ‘n handdoek om sy hand gedraai. Die kind het glo die vuurwerke opgetel en dit aan die brand gesteek. Dit het in sy hand ontplof en hy het verskeie frakture en oop wonde opgedoen. Die punte van sy vingers is in die ontploffing erg beskadig, het Chitra Bodasing, woordvoerder van ER24, in ‘n verklaring gesê.
Volgens die woordvoerder van die Vrystaatse departement van gesondheid, Jabu Mbalula is dokters in Pelonomi hospitaal tans besig om die seun te opereer.
"Ons is hoopvol dat die seun se vingers gered sal kan word," het Mbalula bygevoeg.
