Nuwe astrobaan vir Martie du Plessis

Groot opwinding het by Martie du Plessis-skool geheers toe die nuwe astrobaan verlede Donderdagmiddag amptelik geopen is. Die sinetiese hokkieveld kan vir verskillende sportsoorte aangewend word. Die baan is ‘n nuwe tuiste vir Martie du Plessis se hokkieseuns en -meisies. Beplanning en voorbereiding het reeds in Desember begin en die projek het drie maande geneem om te voltooi. Die skoolhoof, Francois van Heerden, het die baan amptelik geopen nadat Jim Fouché se pom-pom-meisies opgetree het. Ballonne is daarna die lug ingestuur.