Aanstap rooies, perses, wittes, groenes, geles en meer! Dit was die kleurryke pretstap van Willem Postma Primêre Skool verlede week op Naval Hill. Sowat 1 500 kinders het verskillende kleure gedra en soos opgewonde eekhorinkies die prettige 5km-pretstap op die Parkrun-roete voltooi. Sommige se ouers het saamgestap.
Die tema van die pretstap is die sewe karakterwaardes waarop daar reeds sedert 2014 by die skool gefokus word, naamlik: geloof, omgee, respek, burgerskap, regverdigheid, verantwoordelikheid en betroubaarheid. Elke graadgroep beeld een van hierdie karakterwaardes uit.
Die pretstap vorm deel van die skool se verjaardagvieringe. Vanjaar is hierdie gewilde skool 71 jaar oud! Die pretstap is ook ‘n fondsinsamelingsprojek. ‘n Deel van die geld word aangewend om hulpbehoewende kinders in Willem Postma te help. – Sandra Mulder
[email protected]
