Op die jong ouderdom van drie het die Bloemfonteinse sakevrou, Laverne da Silva, reeds sewe model-titels gewen en beoog sy nou om haar kundigheid en liefde vir modelwerk en dans met die gemeenskap te deel.
Die Laverne da Silva-model- en Dansskool is gestig om die selfvertroue van die jeug te help versterk, terwyl dit ‘n platform skep om plaaslike talent te ontwikkel.
“Ek wou nog altyd my ervaring na die gemeenskap bring. Ek sal my studente soveel as moontlik aan die kuns van dans en die modelwêreld blootstel,” het Da Silva gesê.
Deur haar passie vir die kunste en jongmense te kombineer, sal Da Silva alle vorme van dans benut, insluitend kontemporêre, tap, amapiano, ballet, afrofusion, tradisioneel en meer.
“My droom is om te sien dat baie internasionale dansers en modelle van hierdie skool sal kom. Ek wil sien hoe ons pragtige en talentvolle rowwe diamante skitter en betaal word in die model- en dansbedryf.”
“Ek hoop dat hierdie skool ‘n platform sal wees waar jongmense selfliefde, selfvertroue en dissipline sal aanleer. As ek een kind wat aan dwelms verslaaf sou wees of voortydig swanger sou raak, kan help om die koeël te ontduik, dan het ek ‘n doel in my lewe gedien. Dit is iets wat geld nie kan koop nie,” het Da Silva gesê.
Die model- en dansskool beplan hul openingsdag op 29 Januarie. Vir meer inligting skakel 078 115 0987 of besoek hul Facebook-blad: Laverne da Silva Modeling and Dance School.
Pierce van Heerden
