MORGAN PIEK
Bloemfontein – Suid-Afrikaners Chad le Clos, Cameron van der Burgh en Giulio Zorzi het almal deurgedring na hulle onderskeie finale by die 15de Wêreld-swemkampioenskappe in Barcelona, Spanje.
Van der Burgh en Zorzi het deurgedring na die finaal van die mans 50m-borsslag, terwyl Le Clos as gunsteling beskou word om die mans 200m-vlinderslag te wen.
Le Clos, wat die swemwêreld verstom het by die Olimpiese Spele verlede jaar toe hy swemlegende Michael Phelps in die 200m-vlinderslag geklop het, het as die vinnigste gekwalifiseer toe hy die afstand in ‘n tyd van 1 minute 55.33 sekondes geswem het.
Wêreldrekordhouer Van der Burgh begin ook sy finaal as gunsteling nadat hy met ‘n tyd van 26.81 sekondes in die 50m-borsslag gekwalifiseer het.
