MORGAN PIEK
Bloemfonteinse IAAF Wêreldkampioenskap 1500m-bronsmedaljewenner, Johan Cronjé hardloop vanaand in die 800m tydens die seisoen se laaste Diamantliga-byeenkoms in Brussels, België.
Hy is ook Suid-Afrika se enigste vertoonwoordiger by die byeenkoms. Cronjé het gesê hy is oorstelp om aan die 800m deel te neem, ten spyte daarvan dat hy in die B-uitdun hardloop.
Die 31-jarige middelafstandspesialis het laasweek ‘n tyd van 1 minute 45.64 sekondes in Berlyn, Duitsland, gehardloop.
As sy tyd vinnger was sou hy egter in die A-uitdun deelgeneem het.
Voormalige Europese Kampioenskap-bronsmedaljewenner Michael Rimmer van Brittanje hardloop ook in dieselfde uitdun as Cronjé.
