Dirk Kok
Bloemfontein. – Suid-Afrikaners eet 3,5 miljoen meer lammers per jaar as wat die land se skaapboere kan lewer.
Ons eet ook altesaam 689 000 ton bees- en 191 000 ton skaapvleis per jaar. Amper 85 000 ton van die skaapvleis en 47 000 ton bees moet ingevoer word.
Die Rooivleisprodusente-organisasie se Vrystaatse voorsitter, Neels de Villiers, sê Suid-Afrikaners gaan volgens beramings binne die volgende agt jaar nog 27% meer beesvleis en 16% meer skaapvleis eet. Hy sê die toekoms lyk belowend vir rooivleisboere, maar hulle gaan meer móét produseer.
"Ons moet ‘n sekere gedeelte invoer en dis eintlik ‘n aanklag op ons as produsente. Ons moet ons skaap persentasies, ons lam persentasies, ons moet ons re-produksie laat styg," het De Villiers bygevoeg.
