Duane Petrus – Ficksburg-polisie is op soek na drie verdagtes wat ‘n sestigjarige vrou die afgelope naweek in haar huis beroof het terwyl sy tuis was.
Johanna Vermooten was Sondag omstreeks 16:00 geblinddoek en aan ‘n stoel vasgemaak terwyl die rowers haar huis geplunder het.
Polisie woordvoerder, Phumulelo Dhlamini, sê die mans het talle goed op die vloer gegooi soos hulle deur haar besittings gegaan het.
Die mans het met een duisend rand, ‘n selfoon, bankkaarte en ‘n goue ketting die huis gevlug.
Vermooten is nie in die voorval beseer nie.
Date:
