Die fokus skuif die week vanaf Superrugby na Curriebeker-rugby toe wanner die land se voorste plaaslike spanne mekaar pak.
Dit volg nadat die Chiefs hul Superrugby-titel die afgelope naweek teen die Brumbies verdedig het met ‘n 27-22 oorwinning in Hamilton.
Die Lions is volgende jaar terug in Superrugby nadat hulle die Kings met ‘n punteverskil van 2 oor die twee promosie-relegasie wedstryde geklop het.
Eerskomende naweek skop die Curriebeker vanaf met kookwaterwedstryde.
Die Sharks en die Griekwas skop Vrydag in Durban af met die verrigtinge.
Saterdag pak die Goue Leeus in die Vrystaat Cheetahs mekaar op Ellispark om 15:00 en Westelike Provinsie pak die Blou Bulle op Nuweland in Kaapstad om 17:05.
WP sal aanspraak maak om hulle titel te verdedig wat hulle verlede jaar vir die eerste keer in 11 jaar gewen het.
