Die Suid-Afrikaanse weerdiens waarsku oor donderstorms met gepaardgaande swaar reën vandag in dele van Sentraal Suid-Afrika.
Volgens OFM-Nuus sê die weerdiens se Wayne Venter onweer word vir onder meer dele van die sentrale en oostelike dele van die Vrystaat en Noordwes voorspel.
In die vrystaat word dit gedeeltelik bewolk en warm met verspreide donderbuie. Venter sê namate die naweek aanbreek gaan ekstreme warm weer ervaar word. Venter sê aanvanklike bewolkte weer wat tot baie warm en uitermatig warm toestande in die noorde van die Noord-Kaap kan lei word verwag.
Hy sê reën met son word vir die grootste gedeeltes van die Noord-Kaap verwag, asook reën in Bethlehem in die Vrystaat en in Mahikeng in Noordwes.
