CHRISTAL-LIZE MULLER
Die Dierebeskermingsvereniging (DBV) is tevrede dat geregtigheid spoedig geskied het met betrekking tot die voormalige bestuurder en voorsitter van die DBV se Welkom-tak in die Vrystaat wat verlede week aan diefstal van meer as R67 000 skuldig bevind is.
Die DBV se voorsitter van dié tak en die Virginia-tak, Thea Smit, sê hulle is dankbaar die saak teen Margaret Lauder is vinnig afgehandel.
Lauder is verlede week in die plaaslike streekhof tot drie jaar gevonnis waarvan vyf jaar opgeskort is op voorwaarde dat sy die gesteelde geld in paaiement voor 15 Desember vanjaar terugbetaal.
Smit sê die DBV is deursigtig en gaan nie bedrog, diefstal of wanbestuur duld nie. Die DBV het na ‘n interne ondersoek vanjaar in Julie ‘n klag van diefstal teen Lauder ingedien.
