VS-rugbyblasers word vereer

Die skeidsregters van die Vrystaatse Rugbyskeidsregtersvereniging het in 2013 ’n blomjaar beleef met spelers soos Jaco Peyper, Lourens van der Merwe en Marlize Jordaan wat op internasionale vlak hul merk gemaak het. Peyper, wat pas onder meer die toets tussen Nieu-Seeland en Frankryk in Parys beheer het en die Vrystaatse blaser is wat in die meeste toetse nog geblaas het, het die toptoekenning van die vereniging, die Top Ref-trofee, op die jaareindonthaal van die vereniging in Bloemfontein ontvang. Op die onthaal is die borgskap van Cell C aan die vereniging ook aangekondig. Verskeie ander jong blasers van die vereniging wat ook deur Bloemfontein Courant en Digital Platforms geborg word, het ook hul merk gemaak en is vereer.