VS-regering wil hande vat met georganiseerde landbou

0
523

Christal-Lize Muller

Die Vrystaatse LUR van landbou, Mamiki Qabathe, stem saam met Vrystaat Landbou dat leierskap op alle gebiede in die bedryf benodig word.

Dit kom nadat die president van Vrystaat Landbou, Dan Kriek, vandag op die organisasie se jaarlikse kongres oor twee dae in Bloemfontein ‘n beroep op die regering gedoen het om leierskap te toon. 

In reaksie hierop het Qabathe gesê alle betrokkenis in landbou moet saamwerk en die verhouding moet op wedersydse vertroue gegrond wees. Sy het gesê die regering vra, soos georganiseerde landbou, dat hulle ook vertrou moet word.

Volgens Qabathe is landbou in Suid-Afrika verantwoordelik vir die produksie van kos om voedselsekerheid plaaslik te verseker. Juis daarom is die bedryf en die rol wat dit speel belangrik vir die regering.

Die kongres duur tot môre.