Die week het vir VR Security met ‘n somber gevoel begin nadat hulle nuus ontvang het oor die heengaan van een van hulle kollegas, Danna Diedericks. Diedericks werk sedert 2017 vir VR Security en was die spanleier van sy skof. In ‘n boodskap op hul sosiale media het VR Security Diedericks geëer vir sy harde werk en toewyding wat die gemeenskap in die algemeen gebaat het.
“Hy was een van die mees gerespekteerde en geliefde mense wat altyd ‘n snaakse grappie of opmerking gehad het wanneer jy dit die minste sou verwag. Hy was werklik ‘n legende in eie reg en was toegewyd aan sy werk en sy gesin. Danna, jy sal deur almal gemis word.”
Hier is ‘n paar boodskappe van mense saam met wie hy gewerk het:
Corlee du Toit: “Danna was altyd ons leier en hy was ons stuinpilaar. Hy was gewilig gewees om te ry en te gaan help, daar was nooit ’n nee of miskien nie, net ’n ‘ja, ek is op pad’. Hy was ’n kollega met ’n ruggraat en ook ’n hart van goud. Hy gaan erg baie gemis word. ”
Tiaan Stroebel: “Ek wil net sê dat dit ’n groot voorreg was om saam met Oom Danna te kon werk, ek het hom dalk nie so lank geken soos baie mense nie maar wat ek wel weet van die tydjie wat ek Oom Danna geleer ken het, is dat maak nie saak wat gebeur nie, Danna staan altyd op vir sy span en maak seker dat almal hulle werk reg doen maar darem pret ook kan hê … Oom Danna help altyd, maak nie saak hoe ver weg jy mag wees nie. Hy is en was altyd net een knoppie weg, dan was hy daar. Gaan oom Danna baie erg mis, mag oom Danna nou uiteindelik rus.”
Clifford Parkin: “Ou Dana my vriend en kollega ek gaan jou mis. Ons het vir ’n baie lang tyd saamgewerk. Ek het ‘n paar dinge by jou geleer en ek’s dankbaar vir dit. Die laaste woorde wat jy vir my gesê het die Vrydagaand toe ek by jou was, was ‘Dankie Cliffie my ou maat’. Ek gaan daai woorde nie vergeet nie. Rus in vrede my ou maat, ek gaan jou mis.”
Chanelle Theron: “Oupa D waar kry ’n mens die woorde, gaan definitely ons koeldranktye mis elke keer wat oupa nagskof werk, kom maak ek ’n draai en drink ’n koeldrankie by jou staanpunt. Oupa was ’n inspirasie vir ons almal, oupa was ons almal se oupa D gewees – ’n goeie hart, baie streng maar ’n hart vol liefde. Gaan oupa baie mis. Rus saggies, Oupa D. You will always be a legend.”
Gypseenia Lion
