CHRISTAL-LIZE MULLER
Die familie van die Bloemfonteinse polisiebeampte wat buite haar huis in Rocklands deur twee verdagtes vroeër vandeesmaand doodgeskiet is, sê haar dood is hartseer en dat sy baie gemis word. Ntsoaki Molebatse se oom, Isak Setlai, het Saterdag op haar begrafnis in die NG-kerk in Afrika Bloemfontein-suid aan Bloemfontein Courant gesê Molebatse was ‘n vriendelike mens wat altyd gelag het. Sy was ook baie lief en trots op haar werk. Setlai sê dit is moeilik om te aanvaar dat sy aan diens dood is.
Die nasionale polisie kommisaris Riah Phiyega het Molebatse se begrafnisdiens bygewoon. Volgens Phiyega is Molebatse se dood ‘n verlies vir die hele Suid-Afrika Die begrafnisdiens van ‘n nog ‘n polisiebeampte, Tshidiso Mphatsoe wat ‘n dag ná Molebatse doodgeskiet is, is ook Saterdag in Rocklands ter ruste gelê.
