‘n Voormalige Vrystaatse netbalspeler en Bloemfonteinse onderwyseres en is vanoggend in ‘n plaaslike hospitaal oorlede nadat mediese personeel vir dae gespook het om uit te vind wat haar platgetrek het. Adéle Heckroodt, 36, is net meer as ‘n week gelede in MediClinic in Bloemfontein opgeneem. Hospitaal woordvoerder, Amanda Appelgrein, sê dokters het sedertdien allerhande toetse gedoen om te probeer vasstel watter virus die vyf-maande swanger ma opgedoen het. Sy is egter vanoggend oorlede. Haar skoonpa, Heckies Heckroodt het aan Courant gesê ’n jong vrou en ma met die mooiste kinders en soveel lewensplanne is van die familie af weggeruk. Hy sê sy was baie geliefd en haar begrafnis gaan na verwaging Vrydagoggend plaasvind.
-Cathy Dlodlo
