Lekker verrasing

Leerlinge en onderwysers van die Preprimêre Skool Edna Rita in Grasland is onlangs verras met ‘n honde- en perdeskou wat deur die polisie aangebied is. Elke leerling het ‘n verrassingspakkie, ‘n inkleurboekie en ‘n sertifikaat met sy of haar vingerafdruk van die polisie ontvang. Die polisie het ook kruideniersware aan die skool oorhandig. Tydens die geleentheid was van links, agter: lt.kol. H. Moorcraft, sers. M. Baadjies (oudleerder van Edna Rita), H.R. Olin (hoof), maj.genl. Matlala en brig. Phele; voor: Tshepang Tseuwa, Azaliah Jones, Tshepo Seliane, Azaliah Oliphant en Jaden Lang.