Hitte hou nie Bloemfonteiners weg van eerste Food Truck Fest

0
1021

Honderde Bloemfonteiners het  vandag die versengende hitte getrotseer om die heel  eerste Bloem Food Truck Fest by Villa Avianto by te woon,

Bloemfonteiners kon alreeds van 10:00 vanoggend aan heerlike Griekse, Kubaanse, en Indiese kos asook braaivleis begin smul.

Vir diegene wie se kele droog was weens die hitte was daar ‘n verskeidenheid drankies om die dors mee te les, soos gin, craft bier, plaaslike wyne asook vodka.

Natuurlik is so dag nie dieselfde sonder handgemaakte klere, skoene ensovoorts nie. Bloemfonteiners kon kies en keur tussen al die produkte wat te koop was.

Plaaslike musiekkunstenaars soos Jacobus Silwer, Simple Stories, Zak Steyn en Brendan Peyper het die besoekers vermaak.

Al was dit bloedig warm vandag in die Rosestad, het Bloemfonteiners soos gewoonlik ‘n splinternuwe geleentheid goed ondersteun en hulself gate uit geniet. – Jeretha Oosthuizen

jeretha@mahareng.co.za