OWEN KOCK
Boere is baie bekommerd oor Eskom se voorgestelde 16% tariefverhoging.
Dan Kriek, president van Vrystaat Landbou sê die verhoging kan tot verdere werksverliese lei en boonop sal voedselpryse op handelsvlak ook styg wat tot ‘n beperking van produksie in primêre landbou kan lei.
Kriek het gister in Bloemfontein gepraat tydens die Nasionale Energiereguleerder van Suid-Afrika (Nersa) se openbare verhore oor die voorgestelde verhogings. Hy sê die verhoging sal ‘n direkte impak hê op plaasarbeiders wat nie gratis basiese dienste van die munisipaliteit ontvang nie.
Eskom het ‘n aansoek ingedien om die prys van elektrisiteit jaarliks oor die volgende vyf jaar met 16% te verhoog. Eskom het beraam dat hy ongeveer R1.1 triljoen gaan benodig vir sy infrastruktuur-instandhouding, personeelkoste en groei.
