Bloemfonteinse avonturier en fotograaf, Kobus Robbertze, het verlede jaar man alleen byna 1 000km op sy fiets deur Lesotho gery tydens sy Lesotho Legacy-fondsinsamelingsprojek ten bate van Bloemfontein Kindersorg en Childline Free State. Hy het vandeesweek amptelik bekend gemaak dat hy vroeg volgende jaar nog 'n projek vir hierdie organisasie sal aanpak op ‘n roomyskar in die Childline and Toyota Ola Ice Cream Challenge.
Robbertze reeds hard aan die oefen op sy roomyskar.
Oranje Toyota en Ola vat hande met Kindersorg Bloemfontein en Childline Free State om seksuele molestering van kinders onder mense se aandag te bring. Robbertze sal vroeg aanstaande jaar met ‘n roomyskar ‘n roete deur die Vrystaat trap en op elke dorp vertoef waar belangegroepe en veral kinders hom sal inwag om ‘n roomys te koop en sodoende steun te gee om seksuele molestering van kinders te verhoed. Groot besighede en skole in Bloemfontein sal besoek word en geleentheid hê om hierdie projek te steun.
Kyk uit vir hierdie vuurwa volgende jaar!
