Die Bloemfonteinse weerkantoor se Michael Nethavhani sê die warmer dagtemperature gaan van vandag af voorkom, nadat ‘n koue front die naweek oor die land inbeweeg het. Dit het bibberweer met sterk wind en reëntoestande veral in die Oos-Vrystaat tot vanoggend nog veroorsaak.
Hy sê egter temperature in die meeste gebiede in die sentrale binneland het nie onder nul grade Celsius gedaal nie.
Temperature gaan stelselmatig toeneem van vandag af.
Nethavhani voorspel temperature gaan styg tot 30 grade Celsius in die grootste deel van die binneland teen Woensdag en teen Donderdag gaan die kwik styg tot 31 grade Celsius.
Teen Vrydag beweeg ‘n frontale stelsel oor die binneland.
Hy sê temperature daal van Vrydag af oor die binneland met maksimum dagtemperature tussen 18 en 19 grade Celsius.
Temperature gaan in De Aar tot tussen 14 grade Celsius en 15 grade Celsius wees.
Die frontale stelsel in die binneland gaan teen Maandag opklaar wanneer temperature weer gaan styg.
Geen reën word vir die week oor die grootste deel van die binneland voorspel nie, sê hy. – Christal-Lize Muller
