DUANE PETRUS
Brande in wonings het die afgelope naweek in twee aparte gevalle vier mans van Bloemspruit in Bloemfontein se lewens geëis.
In die eerste geval het ‘n 33-jarige man net voor 2 uur Saterdag oggend gesterf toe die paraffienlamp in sy sinkhuis omgeval het en ‘n brand veroorsaak het.
Drie ander mans het Sondagoggend in ‘n brand gesterf wat vermoedelik deur ‘n tweeplaatstoof wat deur die nag aangelos is, veroorsaak is.
Die polisie se konstabel Werner van Tonder sê daar is dikwels ‘n toename in die getal brande gedurende die winterseisoen.
Die polisie het ‘n beroep op inwoners gedoen om versigtig wees met verwarmers, tweeplaatstowe en ander elektriese toerusting wat brande kan veroorsaak.
