Werknemers van die Suid-Afrikaanse Poskantoor (Sapo) in dele van Gauteng, Bloemfontein, Durban en Kaapstad wat aan ‘n onbeskermde staking deelneem hou nie probleme in vir aansoeke per pos om aan die Universiteit van die Vrystaat (UV) te studeer nie.
Luidens ‘n verklaring sê die UV die sluitingsdatum vir volgende jaar se aansoeke was op 30 September 2014, maar weens die staking moes die UV alternatiewe reëlings tref vir eerste aansoekers wat deur die pos aansoek gedoen het vir toelating om aan die instelling te studeer.
Die besluit is geneem dat ‘n eerste aansoeker ‘n bewys aan die UV kan toon dat daar voor of op 30 September 2014 ‘n aansoekvorm vir toelating gepos is, sal ‘n duplikaat van die aansoek wel tot Vrydag aanvaar word.
‘n Bewysstrokie dat die postuk wel gepos is kan aan applications@ufs.ac.za gestuur word.
Uitgereik: Universiteit van die Vrystaat
