Twee Vrystaters, die Botes-tweeling van Oranje Hoër Meisies in Bloemfontein, Huibré-Maré en Louise-Maré, is ingesluit in die Suid-Afrikaanse junior tennisspan wat aan die kwalifiserende toernooi vir die Wêreld o.14-eindtoernooi en die o.16 Fed- en Davisbeker gaan deelneem.
Die toernooi het Maandag begin en duur tot Saterdag in Tunis in Tunisië.
Die wenners van die kwalifiserende toernooi sal na die 2013 o.14 Wêreld Junior-eindtoernooi en die o.16 Fed- en Davisbeker deurdring.
Die Wêreld Junior-eindtoernooi vind van 5 tot 10 Augustus in Prostejef in die Tsjeggiese Republiek plaas, terwyl die wenners van die Fed- en Davisbeker kwalifiserende toernooi na Mexiko sal reis waar hulle in die BNP Paribas-eindtoernooi van 23 tot 29 September sal deelneem.
Die Suid-Afrikaanse span is:
Meisies o.14: Lee Barnard (NG), Zani Barnard (NG) en Minette van Vreden (Boland).
Seuns o.14: Richard Thongoana (SG), Lance-Pierre du Toit (Boland) en Rossouw Norval (Boland).
Meisies o.16: Nadine de Villiers (SG), Huibré-Maré Botes (VS) en Louise-Maré Botes (VS).
Seuns o.16: Lloyd Harris (WP), Brandon Laubser (OG) en Francois Kellerman (Boland)
Die afrigters van die spanne is: Terrey Schweitzer (OG) en Jared Temlett (KZN).
–Tennis SA.
