Twee skuldig aan Harrismith-pastoriemoorde

0
749

Owen Kock

Bloemfontein. – Martin Brits is in die hooggeregshof op Harrismith skuldig bevind op die moord van sy pa, ds. Willem en dié se aanstaande skoonseun, Gerhard Vermeulen, op poging tot moord van sy ma, Dorothea, asook roof met verswarende omstandighede.

Sy medepligtige, Elliot Mhlambi, is skuldig bevind aan dieselfde aanklagte asook die besit van ‘n vuurwapen en die besit van ongelisensieerde ammunisie. Volgens Brits se regsverteenwoordiger, Dawie Reyneke, het die polisie die vuurwapen wat in die aanval gebruik is, in Mhlambi se besit gevind.

Die verhoor duur môre voort en vyf getuies sal geroep word, onder wie Brits en Mhlambi, wat ter strafversagting sal getuig. Dorothea het in die voorval, ‘n jaar gelede, erge hoofbeserings opgedoen en woon tans in ‘n ouetehuis op die dorp.