Souttert
| 2 | snye brood (wit of bruin) |
| 1 | gekapte ui |
| 15ml | kookolie |
| 200g | bevrore spinasie (blansjeer vinnig in kookwater, dreineer goed) |
| 200g | gerasperde kaas |
| 4 | eiers, geklits |
| 500ml | melk |
| sout en varsgemaalde swart peper na smaak | |
| 2x410g | blikkies Weense worsies (kan een blikkie met 300g boeliebief vervang) |
| 5ml | mosterdpoeier |
| 1 | groot tamatie, geskil en gesny in medium dikte skywe |
Metode:
- Krummel die snye brood. Braai die ui effens in die olie, kap die goed gedreineerde spinasie fyn en roerbraai saam met ui in pan.
- Meng nou al die bestanddele saam (vulsel) behalwe die eiers en melk, geurmiddels en skywe tamatie.
- Meng die melk, eiers en geurmiddels goed. Skep die vulsel-bestanddele in ’n geskikte, bottergesmeerde oondbak (20cm) en pak die skywe tamatie bo-op die vulsel.
- Giet nou die eier-melk mengsel bo-oor en bak vir 30 minute by 170°C
Opsioneel:
Voer die oondbak/tertbord uit met twee lae bottergesmeerde phyllo-deeg en skep die mengsel daarop. Bak soos wat resep verder voorskryf.
