Duane Petrus – Die minister van justisie se redes waarom Eugene de Kock nie op parool vrygelaat is nie is ongeloofwaardig.
Die politieke ontleder en skrywer, Max du Preez, sê alhoewel De Kock een van apartheid se grootste moordenaars was, het hy wel berou getoon oor sy dade.
De Kock, die voormalige Vlakplaas-bevelvoerder, het by sy verhoor en dié van die waarheidskommissie gehelp met polisie ondersoeke en vergifnis by die families van sy slagoffers gevra.
"Ek dink die minister het nie die politieke moed van sy oortuiging gehad om die regte ding te doen nie. Die paroolraad het gesê die man moet vrygelaat word. Dit is uiters raar vir ‘n minister om die paroolraad se aanbeveling aan die hand te wys," sê Du Preez.
Minister Michael Masutha het vandag gesê al die families van De Kock se slagoffers moet in die parool oorgewingsproses deelneem.
Du Preez sê daar is geen twyfel dat De Kock binne die volgende twaalf maande sal vrygelaat word nie, waaneer nog ‘n parool verslag sal voorgelê word.
