Die rugby en hokkiespanne van drie skole, Menlopark van Pretoria, Duineweld van Upington en Potchefstroom Gimnasium, besoek Grey Kollege aanstaande naweek vir die skool se jaarlikse Kovsie Sportdag in Bloemfontein.
’n Ware rugbyfees word Vrydag, 21 Maart verwag met 24 wedstryde op ses velde by die skool.
Die eerste wedstryde skop om 07:30 af. Die hoogtepunt is die hoofwedstryd waarin die Cherries en Grey teen die eerste spanne van onderskeidelik Duineveld en Menlopark om 12:30 en 13:45 op die hoofveld te staan kom.
Saterdag sal vyf hokkiespanne van Grey die besoekende spanne van Potchefstroom op Grey se astrobaan aandurf. Die eerste wedstryd tussen die o.16 B-spanne vind om 08:00 plaas en die eerste spanne van die twee skole pak mekaar in die hoofwedstryd om 13:00.
