Polisie arresteer twee, konfiskeer khat-plante van R600 000

0
318
FOTO: 123rf.com

“Bloemfontein se blitspatrollie het Donderdag (11/4) twee verdagtes in hegtenis geneem en beslag gelê op khat-plante van ongeveer R600 000.”

Die polisie het, nadat hulle inligting ontvang het, ’n minibus wat van Johannesburg na Kaapstad onderweg was op die N1-snelweg omstreeks 19:50 onderskep.

Nadat die voertuig gestop is, het beamptes bokse vol khat-plante ontdek. Die bestuurder en ’n manlike passasier is in hegtenis geneem vir dwelmsmokkelary, en die plante is in beslag geneem.

Die verdagtes, onderskeidelik 34 en 65 jaar oud, sal spoedig in die Bloemfontein-landdroshof verskyn.

OFM Nuus