Pellisier man wat op polisie losbrand môre in BFN hof

0
652

DUANE PETRUS

‘n 43-jarige man van Pelissier, Bloemfontein, verskyn môre in die stad se landdroshof op ‘n klag van poging tot moord, nadat hy na bewering ‘n polisiekonstabel by sy huis gewond het.

Polisiewoordvoerder, Chaka Marope, sê die polisie is gisteraand laat na die huis in Bakkiesdraaistraat ontbied na ‘n beweerde voorval van huishoudelike geweld.

‘n Inwoner het die polisie ontbied nada hy ‘n geweerskoot in die huis waarin die verdagte was, gehoor het.

Toe die polisie daar opdaag het die verdagte glo op die polisie losgebrand en die 32-jarige Mathe Sefuti drie keer in die bene getref.

Life Rosepark-hospitaalwoordvoerder, Esmarie Cronjé, sê Sefuti sterk goed aan. Die polisie sê sewe jaggewere, wat aan die verdagte behoort, is gekonfiskeer.

Marope sê die verdagte het ook ‘n hangende saak van huishoudelike geweld teen hom.