SABRINA DEAN – Munisipale dienslewering in Moqhaka het na bewering tot stilstand gekom omdat werkers weier om voort te gaan met hul pligte totdat die munisipale bestuurder bedank.
Volgens die DA se Mariette Pittaway is huidige munisipale bestuurder, Simon Mqwati, nie in besit van die nodige kwalifikasies soos aangedui deur openbare administrasie-wetgewing nie, en word hy ook onder meer van wangedrag en wanadministrasie beskuldig.
Sy sê die dorp, sy inwoners en besighede kry swaar:
"Daar word geen dienste gelewer nie, daar is gebarste pype, die riool loop oor," sê sy.
Sy sê inwoners en besighede sukkel ook om krag te koop. "Die krag by al die verskaffers is op en besighede is stelselmatig besig om op te raak," sê sy.
Pittaway het Moqhaka Burgemeester Jihad Mohapi gister in ‘n verklaring aangemoedig om sy verantwoordelikhede te aanvaar en teen Mqwathi op te tree.
Date:
