Duane Petrus – ‘n Man is gisteraand in Smithfield in hegtenis geneem in verband met die moord op ‘n bejaarde vrou vroeër vandeesweek.
Vrystaatse polisiewoordvoerder, Yanga Ngcukana, sê 77-jarige Helen Badenhorst is Maandagoggend dood in haar huis aangetref. Hy sê sy is oor die naweek op kort afstand in die kop geskiet.
Die 26-jarige verdagte is omstreeks 22:00 gisteraand met die oorledene se pistol op hom by ‘n vriend se huis aangekeer.
Ngakuna sê die gesteelde Plasma TV en kringtelevisiebeeldmateriaal is by die verdagte se huis gekry.
"Hy het twee ander sake van diefstal en roof en met verswarende omstandighede teen hom," Ngcukana.
Die oorledene was die vrou van ‘n gewese burgemeester van die dorp.
Date:
