DUANE PETRUS – ‘n Agt-en-twintigjarige man is vanoggend in Bloemfontein in hegtenis geneem vir die moord van ‘n jong polisievrou die naweek. Keitumetsi Serai se lyk is Sondagmiddag by ‘n huis in Watermeyerstraat in Hilton, waar die verdagte ‘n loseerder is, gevind. Polisiewoordvoerder, Sinah Mpakane, sê die verdagte se uitgebrande voertuig is kort na die moord op die Dewetsdorppad deur die polisie gekry. Mpakane sê hy is by sy ouers se huis in Estoire vasgetrek. Die 27-jarige Serai het by die Thabong-polisiestasie as ‘n psigometris gewerk. Sy was glo in ‘n liefdesverhouding met die verdagte. Die man sal more in die hof verskyn.
