Le Clos skitter in Beijing

0
661
MORGAN PIEK

Bloemfontein – Chad le Clos het sy skittervorm by vanjaar se kortbaan-wêreldbekerreeks in Beijing voortgesit met ‘n goue, silwer- en bronsmedalje op die eerste dag van die byeenkoms.

In sy eerste item van die dag het Le Clos die sliwer ingepalm in die mans 100m-vryslag, met Rusland se Vladimir Morozov wat hom in ‘n tyd van 45.88 sekondes geklop het.

Hy het egter goud gewen in die mans 200m-vlinderslag en wen die item in ‘n tyd van 1 minuut 51.70 sekondes.

Morozov was weer in die mans 100m- individuele wisselslag aan die wenkant, met Le Clos wat in die derde plek klaargemaak het.

Veteraan Roland Schoeman het vroeër die aand goud gewen in die 50m-borsslag – sy wentyd  25.95 sekondes.

Hy moes egter met die silwer tevrede wees in die 50m-vlinderslag. Die item is gewen deur Brasilie se Nicholas Santos in tyd van 23.15 sekondes.