ALZANE NARRAIN
Die twee Kruger-susters wat na bewering byna ‘n half miljoen rand se bedrog en diefstaal gepleeg het, se saak is vandag in die Bloemfonteinse Landdroshof uitgestel tot 3 September.
Salome Kruger en Maria Elizabeth Kruger word daarvan aangekla dat hulle tussen November 2011 en Februarie 2013 meer as R471 000 van Corporate Payroll Institute in Bloemfontein, waar Salome as vergoedingsbestuurder werksaam was, gesteel het.
Volgens die klagstaat het sy na bewering betalings wat aan werknemers oorbetaal moes word, stuksgewys in haar en Maria Elizabeth Kruger se rekeninge inbetaal en dit op die finansiële state verbloem.
