Koejaweltert
Hierdie paar bestanddele maak 1x 24cm tert
| 1x | pak (200g) eet – sum – mor beskuitjies |
| 1x | blikkie (410g) ingelegde koejawels, dreineer stroop en verpulp die vrugte |
| 1x | pakkie (80g) rooi jellie (aarbei of framboos) |
| 1x | blikkie(380g) ingedampte melk, effens styfgeklop (laat blikkie oornag in yskas om sodoende meer suksesvol styf te klop) |
Metode:
- Kook die stroop van die ingemaakte koejawels en roer jellie poeier by. Verwyder van hitte. Voeg verpulpte (druk fyn met vurk) koejawels by.
- Maak beskuitjies fyn en vou in by geklopte ingedampte melk. Vou vrugte en jellie mengsel ook hierby in.
- Giet in tertbak – laat set in yskas en versier met styfgeklopte room.
