KINDER & JEUG: Samantha van Riet: KNOLLE, BOLLE EN TUINKAPERJOLLE

0
496

KNOLLE, BOLLE EN TUINKAPERJOLLE
Samantha van Riet

Uitgewer : Tafelberg
Prys : R180.00*
Illustreerder : Samantha van Riet
Ouderdom : 7-10
Bladsye : 144
Band : Hardeband
Formaat : 305mm x 230mm
* Prys onderhewig aan verandering

BESKRYWING:

Kinders van ses tot nege jaar oud is die teikengroep vir dié eg Suid-Afrikaanse boek oor groentetuine. Hulle sal leer hoe om ’n tuin uit te lê, die soorte grond en hoe om grond voor te berei, plant en saai, snoei en oes van hulle eie gesonde groente, slaai en kruie. Daar is ook handwerkprojekte wat met tuinmaak verband hou en maklike resepte.

Die boek is in twee dele: die eerste oor grondvoorbereiding, saai en omsien na die plante terwyl hulle groei; herwinning, die seisone, insekte en voëls en natuurlike siklusse. Die tweede deel sal kinders inspireer om hulle groente-oes te geniet. Elke groente word op ’n dubbelblad gewys, met inligting, foto’s, illustrasies en maklike resepte daarby.

Kinders sal trots wees op groente wat hulle self geplant en versorg het, en hulle gaan sommer ook lus wees om minder bekende groentes te probeer as hulle betrokke was by die plant en oes daarvan! Dis ook ’n wonderlike manier om kinders van die rusbank af tot in die tuin te lok, en ’n heerlike aktiwiteit vir gesinne om saam te doen.