Herleef die ou dae by Moods

0
1427
DJ Pop, die bestuurder by Flavaz Restaurant.

Die jazz-klub, Moods & Flavors, en die Flavaz Restaurant & Cocktail Bar in Heidedal het kragte saamgesnoer met die nagklub, TwiceSNice, om die Twice as Nice Youth Revival Party die naweek by Moods aan te bied.
Volgens DJ Pop, die nuwe bestuurder by Flavaz Restaurant, is die doel van die partytjie om ou herinneringe te laat herleef.
“Die musiek wat uithangplekke soos Seven Eleven, Mingles, en TwiceSNice, gewild gemaak het, gaan tydens die partytjie gespeel word sodat mense kan onthou hoe dinge in die 80s, 90s en daarna was,” sê DJ Pop.
DJ Pop en Curtis Torres, eienaar van TwiceSNice, het groot planne vir die partytjie wat op Vrydag 16 Junie by Moods gehou word.
Tydens die partytjie, wat hoofsaaklik op die jeug gefokus, sal die musiek verskaf word deur DJ Tommy, Reggie-D, DJ Swift en nog vele ander.
Toegang is R100 en dit sluit komplimentêre eetgoed en drankies in. Die partytjie begin reeds om 18:00. – Jeretha Oosthuizen
jeretha@mahareng.co.za