Groot brand by wildsplaas

DUANE PETRUS – Gistermiddag se sterk weerlig het veroorsaak dat die hoofgebou van ‘n bekende wildplaas in Smithfield in die Vrystaat heeltemal afbrand. Izak Nel, eienaar van Letsatsi Private Game Lodge, sê dit het die brandweer omtrent ‘n uur en ‘n half gevat om die hoë vlamme te blus. Niemand is in die brand beseer nie. Nel sê dit lyk of die weerlig deur die dak geslaan het en die vuur het van binne die gebou, wat 10 jaar staan, versprei. Nel sê hulle het nog nie die bepaal hoeveel skade is deur die brand veroorsaak nie. Hy sê baie onvervangbare artikels is in die brand verloor. “Baie mense wat al voorheen hier was het gebel en simpatie betuig, en dit laat ‘n mens beter voel om te besef daar is mense wat omgee,” sê Nel.