Die Vrystaatse onderwysdepartement vaar baie goed, in vergelyking met ander provinsies, met die verskaffing van handboeke aan skole in die provinsie.
Dit is volgens die nasionale departement van basiese onderwys se 2014/15-jaarverslag. Luidens die verslag het slegs 2.4% van leerders verlede jaar ‘n tekort aan handboeke by Vrystaatse skole ervaar. Dit is die tweede laagste persentasie in die land.
Dit kom te midde van aantygings deur die DA dat die departement nie genoeg geld het vir die voorsiening van handboeke aanstaande jaar nie.
Die Vrystaatse LUR vir onderwys, Tate Makgoe, sê egter daar is genoeg geld hiervoor begroot. – Cathy Dlodlo