LANI FOUCHE
Niemand is nog gearresteer nie in verband met ‘n geldkaping in Bloemfontein die afgelope naweek.
‘n Sekerheidswag van die Protea Coin-groep is in ‘n ernstige toestand nadat hy vanoggend tydens ‘n gewapende rooftog in Bloemfontein raakgeskiet is.
Polisiewoordvoerder Chaka Marope sê twee wagte het omstreeks sewe-uur kontant gaan haal by die Engen-vulstasie in Kerkstraat met die doel om dit te gaan bank, toe hulle deur vier swaar gewapende mans oorval is. Een wag is in die been en heup raakgeskiet, en die ander een is binne die geldwa van buite met ‘n vuurwapen gedreig is om die deur oop te sluit.
Marope sê die verdagte wou plofstof binne die voertuig slinger sodat hulle toegang tot die kontant kon kry wat binne toegesluit was. Hulle het egter nie daarin geslaag nie, en net met twee houers kontant in ‘n wit Isuzu-bakkie gevlug. Die bakkie is kort daarna verlate langs die treinspoor in Elmstraat gevind.
Netcare911 paramedici het die gewonde sekerheidswag op die toneel gestabiliseer. Woordvoerder Chris Botha sê hy was in ‘n ernstige toestand toe hulle by hom kom. Hy is na die Life Rosepark-hospitaal vir behandeling geneem.
