Die bekende en invloedryke De Wee-familie van Heidedal het pas begin met ‘n veldtog om eenheid in die familie te herstel.
As wegspring het al die neefs en niggies onlangs ‘n byeenkoms by die huis van Hendrik de Wee in Bloemside gehou.
De Wee, wie se inisiatief die veldtog is, sê eenheid in die De Wee-familie lê hom na aan die hart, maar so ook die uitdagings wat die groter gemeenskap in die gesig staar.
“Ons as familie kan onsself nie juis isoleer van die uitdagings wat ons gemeenskap in die gesig staar nie. Soos die woorde van ou liedjie sê: ‘n Gesonde gesin skep ‘n gesonde familie, en ‘n gesonde familie skep ‘n gesonde gemeenskap,” sê De Wee.
Die byeenkoms by De Wee se huis is deur omtrent 25 familielede bygewoon, maar ‘n groter reünie word vir later vanjaar in die vooruitsig gestel.
“Voor ons aan die reünie begin beplan, will ek eers almal in die familie bereik en hulle oor die groter plan inlig. Familielede wat meer inligting oor die veldtog asook die beplande reünie wil hê, kan my gerus by 083-440-8524 skakel,” sê De Wee. – Pieter Delport
info@bloemfonteincourant.co.za
Date:
Eenheid in De Wee-familie kry aandag
Hendrik de Wee verduidelik aan familielede wat sy doelstellings met die beplande De Wee-reünie is.
