Bloemfontein – Die All Blacks het vyf veranderinge aan hul span aangebring vir die naweek se Rugbykampioenskapstoets teen die Springbokke op Eden Park.
Afrigter Steve Hansen het vier veranderinge voorlangs gemaak en een in die agterlyn.
Liam Messam is terug op flank, terwyl Sam Cane die beseerde kaptein Richie McCaw vervang.
Kieran Reed neem die kapteinskap oor. Owen Franks gaan op vaskop uitdraf, terwyl Dan Coles bo Andrew Hore en Keven Mealamu op haker gekies is.
In die agterlyn is Ma’a Nonu terug op senter om sy tweestryd teen Bokkaptein Jean de Villiers te hervat.
Intussen sê De Villiers se senter-maat JJ Engelbrecht hy sien al lank daarna uit om in sy eerste toets teen die All Blacks uit te draf.
Na wat verwag word, gaan dit ‘n nat toets wees op Eden Park. Die wedstryd skop om 09:35 af.
Die All Blacks-spanom die Springbokke te pak is as volg – Israel Dagg, Ben Smith, Conrad Smith, Ma’a Nonu, Julian Savea, Dan Carter, Aaron Smith, Kieran Read (kaptein), Sam Cane, Liam Messam, Sam Whitelock, Brodie Retallick, Owen Franks, Dane Coles, Tony Woodcock.
Plaasvervangers – Keven Mealamu, Wyatt Crockett, Charlie Faumuina, Steven Luatua, Matt Todd, Tawera Kerr-Barlow, Beauden Barrett, Charles Piutau.
