Christal-Lize Muller
Cope meen die verkiesing verloop glad ondanks ‘n paar onreëlmatighede
Cope in die Vrystaat sê die Onafhanklike Verkiesingskommissie hanteer die verkiesingsproses tot dusver heel goed. Volgens Cope se lid van die Nasionale Kommissie, Vanita Coetzee, verloop die proses glad ten spyte van ‘n paar onreëlmatighede by enkele stemlokale.
Sy sê verskeie verteenwoordigers van dié party is ook weggewys by enkele verkiesingslokale by Koffiefontein omdat die dokument wat aandui welke politieke party se verteenwoordigers by stemlokale aangestel is, nie dié party se logo (embleem) bevat het nie.
