Caroline-Grace Brüssow het die land se stemme teen Dinsdagaand om 22:00 nodig om vir haar ‘n plek in The Voice se semi-finale te verseker.
Brüssow het oorspronklik haar sangloopbaan as danseres begin, koor gesing en was gereeld deel van die Meisiekool Eunice in Bloemfontein, se jaarlikse teaterproduksies.
Ná skool het sy Regte studeer aan die Universiteit van die Vrystaat en as klerk by die Bloemfonteinse Hooggeregshof gewerk.
In 2013 het haar lewe heeltemal anders uitgedraai as wat sy verwag het. Sy is met die bekende rugbyspeler, Heinrich Brüssow getroud en toe hy Japan sy tuiste maak tydens sy rugbyloopbaan,het die twee in albei lande gewoon. Hulle het juis van Osaka af gevlieg vir die “blinde oudisies”.
Caroline-Grace het die land aan die brand begin sing en vir haar ‘n plek in The Voice verseker ná haar weergawe van Celine Dion se Landed Me Back to Life.
Daarná moes sy teen Meggan Moore sing om verder in die kompetisie te bly.
Geluk was aan haar kant en Bobby het haar gekies om deur te gaan. Sy het in die regstreekse vertoning met die liedjie, Stronger, van Kelly Clarkson, deurgedring.
Dit lyk of rugby vir 2017 vir eers opsy geskuif moet word!
Caroline het nou die land se stemme nodig om haar na die volgende ronde deur te dra.
Jy kan per SMS of deur WeChat stem. Elke persoon kan tot en met 100 keer vir sy of haar gunsteling stem. Maak seker dat jy voor Dinsdagaand 22:00 stem.
Kyk om 17:30 op Sondag 4 Junie op M-net (DStv 101) na die uitslae.
Jeretha Oosthuizen- Courant Nuus
