Die versekeringsmaatskappy se Fanus Coetzee sê eise is meestal geregistreer vir skade aan huise, voertuie en sake-ondernemings. Hy sê sowat 75% van die eise is gebou-verwant weens waterskade.
Talle motors het ook skade opgedoen weens fyn hael.
Coetzee sê assessors, wat van huis tot huis gaan, moet nog die totale skade bereken.
“Die kontrakteurs glimlag nou baie breed, want daar is baie werk vir hulle in Bloemfontein. Aan die ander kant maak dit almal seer, want dit is geld waarvoor daar nie begroot is nie. Daar is altyd ‘n bybetaling. Sorg dat die geute by jou huise altyd skoon is, en sny die bome en takke wat die geute kan verstop, weg. Van motors se kant af, reageer liewer op ‘n vals alarm as dat jy gevang word in die hael,” sê Coetzee.
-Mark Steenbok
