Christal-Lize Muller
Die polisie kan steeds nie bevestig waar die groep ontevrede leerlinge van die Bartimea-skool vir dowes en blindes in Thaba Nchu hulle nou op die skoolterrein bevind nie.
Die groep het gister die skool se administratiewe gebou aan die brand gesteek en toegang tot die skool versper.
Vrystaatse polisiewoordvoerder, Consolation Mokoale, sê die polisie monitor die situasie buite die skool se ingang.
Volgens haar is daar niemand in sig op die skoolterrein nie.
Ouers begin by die skool opdaag nadat daar gisteraand ‘n dringende beroep op hulle gedoen is om hul kinders te kom haal.
Die ontevrede groep leerlinge het hulself saam met ander leerlinge, wat nie betrokke is by die onluste nie, deur die nag in skoolkoshuise toegesluit.
Die groep leerlinge is ontevrede oor die oprig van ‘n heining tussen twee koshuise vir seuns en meisies op die skoolterrein.
Hulle het Maandag al begin om hul ontevredenheid te wys met die verwydering van die heining.
Teen gister het die situasie vererger toe hulle die polisie met klippe bestook en vensters gebreek het.
Koshuispersoneel is ook deur die leerlinge verwilder.
Date:
